सुट्टीतील धमाल ८ः चला चहाची वेळ झाली!

चला, चहाची वेळ झाली!

सुट्टीत मुलांनी केलेली धमाल आपण बघतोच आहोत. या सुट्टीत लहानशी ७ वर्षांची रेवती जपे, चहा करायला शिकली आहे. आई बाबा घरून काम करत असताना त्यांना असा आयता चहा मिळाला तर किती छान वाटेल त्यांना.

फक्त जर तुम्ही १२ वर्षांपेक्षा लहान असाल तर गॅसजवळ एकट्याने जाऊ नका. घरातील एखाद्या मोठ्या व्यक्तीच्या देखरेखीखाली गॅस आणि गरम भांडी हाताळा!

चला तर, चहाची वेळ झाली आहे, बघुया चहा कसा करायचा?

 

==============================

'सुट्टीतील धमाल'बद्द्ल मॉनिटर उवाच:

मुलांनो, आता तुम्हाला सुट्टी लागली असेल ना किंवा करोनाची साथ असल्याने शहाण्यासारखे तुम्ही घरातच बसून असाल. मग तुम्ही या सुट्टीत काय करताय हे इतरांबरोबर शेअर कराल का? तुम्ही एखादी गोष्ट लिहिली असेल, कविता लिहिली असेल किंवा घरबसल्या काही मजेशीर खेळ खेळला असाल, छानसं चित्र काढलं असेल किंवा तुमच्यासोबत करोनामुळे घरातच असणाऱ्या आईबाबा किंवा आजीआजोबांसोबत काहीतरी भारी उपक्रम/खेळ खेळत असाल, एखादा पदार्थ शिकला असाल तर आम्हालाही नक्की सांगा. तुम्ही खेळताय त्या खेळाचा/कृतीचा व्हिडियो आम्हाला पाठवलात तरी चालेल!या सदरात येणारं लेखन हे सुट्टीत मुलांनी घरी बसण्यास प्रोत्साहन म्हणून जसंच्या तसं प्रकाशित केलं जाईल. अर्थात यावर कोणत्याही प्रकारचं संपादन केलेलं नसेल. जे काय कराल ते मात्र घरातच करता येण्याजोगे हवे. या "सुट्टीतील धमाल" नावाच्या सदरामध्ये अश्या गोष्टी सुट्या किंवा एकत्र करून आम्ही प्रकाशित करू. मग त्या तुमच्या मित्रमैत्रिणींनासुद्धा वाचता/बघता येतील!

आम्हाला तुमचं लेखन/कृती पाठवायचा पत्ता आहे - monitor.atakmatak@gmail.com